İsveçrədə COVID-19 xəstələrinin sayı 27,7 mini ötdü

İsveçrədə bir gün ərzində koronavirusa azı 340 yeni yoluxma halı qeydə alınıb.

“Report” xəbər verir ki, bu barədə ölkənin İctimai Səhiyyəsinin Federal ofisi bildirib.

Qeyd edilir ki, koronavirusa yoluxmaların ümumi sayı 27,7 mini ötüb.

Bu günə olan məlumata görə, bir gün ərzində 336 yeni yoluxma aşkarlanıb və 24 ölüm baş verib. Beləliklə, koronavirus xəstələrinin ümumi sayı 27 740 nəfərə çatıb. Ölkədə ümumilikdə 1 135 nəfər virusun qurbanı olub.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.