İspaniyada koronavirus qurbanlarının sayı 500-ə çatır

İspaniyada bir gündə koronavirusdan 149 ölüm və demək olar ki, 2 000 yoluxma faktı qeydə alınıb.

“Report” xarici KİV-ə istinadən xəbər verir ki, ölkədə koronavirusa yoluxanların sayı 11 000-i ötüb, virusdan ölənlərin sayı isə 491 nəfərdir.

Qeyd edək ki, İspaniya Çin, İtaliya və İrandan sonra virusun ən çox yayıldığı ölkədir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 162 ölkədə qeydə alınıb.

Dünyada koronavirus infeksiyasına indiyədək yoluxanların sayı 185 500-ə çatıb. Bunların 80 000 nəfəri sağalıb, 7 332 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.