Hindistanda avtobusun körpüdən aşması nəticəsində 13 nəfər ölüb, 53 nəfər yaralanıb

Digər ölkələr

04 may, 2016
20:27

Hindistanda avtobusun körpüdən aşması nəticəsində 13 nəfər ölüb, 53 nəfər yaralanıb

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 5 May. REPORT.AZ/ Hindistanın Çxattisqarx ştatında avtobusun körpüdən aşması nəticəsində ən azı 13 nəfər ölüb, 53 nəfər xəsarət alıb. "Report"un məlumatına görə, bu haqda hüquq-mühafizə orqanlarına istinadən "India Today" məlumat yayıb.

Xəbərdə bildirilir ki, insident Harxva şəhərindən Raypur istiqamətində hərəkət edən avtobusun sürücüsünün idarə etdiyi nəqliyyat vasitəsinin motosikllə toqquşmasının qarşısını alarkən baş verib. Sürücünün idarəetməni itirməsi nəticəsində avtobus çaya düşüb.

Yaralılardan 16-nın vəziyyəti ağırdır. Xəsarət alanlar Ambikapur rayon xəstəxanasına yerləşdirilib.

Daha 37 nəfər isə Barlampurdakı yerli xəstəxanaya aparılıb.