Kaya Kallas: Avropa İttifaqı İsraillə konstruktiv münasibətlərə sadiqdir

İsrailin xarici işlər naziri Gideon Saar Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallasla bütün əlaqələri kəsdiyini bildirib.

"Report" xəbər verir ki, o, bu barədə "X" sosial şəbəkəsindəki hesabında paylaşım edib.

"Bu yaxınlarda mənə məlum oldu ki, o [Kallas - red.], Meksikaya səfəri zamanı İsraili Cənubi Afrikada mövcud olmuş irqçi aparteid rejimi ilə müqayisə edib. Mən bu ciddi bəyanatı qınayan bir çox Avropa nümayəndələrinə minnətdaram. Lakin indiyə qədər onun tərəfindən nə bir təkzib, nə də bir izahat verilməyib. Buna görə də Kallasla bütün əlaqələri kəsməkdən başqa çıxış yolu görmürəm", - G.Saar deyib.

Onun sözlərinə görə, əlaqələrin kəsilməsi K.Kallas öz bəyanatını geri götürənə qədər davam edəcək.