G20 ölkələri Roma Sammitində yekun bəyanat qəbul ediblər

"Böyük İyirmilik" (G20) ölkələrinin liderləri qlobal istiləşmənin 1,5 dərəcə selsi ilə məhdudlaşdırılması üçün tədbirlər görməyə çağırıblar.

"Report" "Reuters"ə istinadən xəbər verir ki, bu barədə Roma Sammitində qəbul edilən yekun kommünikedə deyilir.

Kommunikedə, həmçinin G20 ölkələrinin liderləri pandemiya zamanı müxtəlif xəstəliklərə qarşı yeni vaksinlərin hazırlanması müddətini 300 gündən 100 günə endirməyi vəd edirlər.

"G20 ölkələri koronavirusa qarşı peyvəndlərin kifayət qədər istehsalını təmin edəcək, ədalətli paylanmağa çalışacaq", - kommunikedə qeyd edilir.