FTB: “Çin avadanlıqları ABŞ nüvə arsenalına nəzarəti ələ keçirə bilər”

ABŞ-ın Federal Təhqiqatlar Bürosunun (FTB) araşdırması müəyyən edib ki, ölkənin mühüm hərbi obyektlərinin yaxınlığında yerləşən Çin istehsalı olan mobil rabitə avadanlığı Pentaqonun rabitəsini kəsə və hətta ABŞ nüvə arsenalına nəzarəti ələ keçirə bilər.

“Report” xəbər verir ki, bu barədə CNN məlumat yayıb.

Kanalın eksklüziv kadrlarında deyilir: “FTB-nin araşdırması göstərir ki, bu avadanlıq ABŞ-ın nüvə arsenalına nəzarət etmək üçün pəncərə açaraq, Müdafiə Nazirliyinin kommunikasiyalarını aşkar etmək, ələ keçirmək və hətta pozmaq qabiliyyətinə malikdir”.

Qeyd olunub ki, ABŞ-dakı kiçik telekommunikasiya şirkətləri ucuz və etibarlı olduğunu əsas gətirərək Çin texnologiyasından istifadə etməyə davam edir.