Fransada iki həbsxana mühafizəçisi girov götürülüb

Fransanın Konde-sür-Sart həbsxanasında iki mühafizəçi girov götürülüb.

“Report” “Reuters” agentliyinə istinadən xəbər verir ki, Fransanın Ədliyyə Nazirliyi mühafizəçilərdən birinin gözündən yaralandığını bəyan edib.

Hazırda girovların azad edilməsi istiqamətində danışıqlar aparılır. Həbsxananın təhlükəsizlik bölmələri səfərbər edilib, həbsxanaya əlavə qüvvələr göndərilib.

Yerli BFMTV telekanalı girovları ələ keçirməkdə şübhəli bilinən şəxsin zorlama və qətl cinayətlərinə görə uzunmüddətli həbs cəzasına məhkum edildiyini xəbər verir.