Fransada generallar Makrona dövlət çevrilişi barədə xəbərdarlıq ediblər

Fransada istefada olan yüzdən çox general və zabit Fransa Prezidenti Emmanuel Makrona ölkədə irqi ayrı-seçkilik müharibəsi, dövlət çevrilişi təhlükəsi barədə açıq xəbərdarlıq məktubu göndərib.

“Report” “İnterfax”a istinadən xəbər verir ki, məktubu “Valeurs actuelles” həftəlik jurnal dərc edib.

Məktubda müəlliflər bildirib ki, Fransa Konstitusiyasına zidd fəaliyyət göstərən dini fanatlar və “islamçılar” ölkədə vətəndaş müharibəsi təhlükəsi yaradır: “Zorakılıq gündən-günə artır”.

Onlar bildirib ki, Emmanuel Makronun fəaliyyətsizliyi səbəbindən dövlət çevrilişi də baş verə bilər.

Mütəxəssislərin fikrincə, müraciətin müəllifləri bununla Fransada dini ayrı-seçkilyi və milli ədavəti təbliğ ediblər.