Finlandiya sakinləri naməlum narkotikdən kütləvi şəkildə ölürlər

Finlandiyada naməlum narkotik maddədən azı 10 ölüm hadisəsi qeydə alınıb.

“Report” xəbər verir ki, bu barədə “Yle” nəşri bildirib.

Məlumata görə, beş ölüm faktı Turku şəhərində qeydə alınıb.

"Belə qısa müddətdə bir neçə gənc insanın ölümü xüsusi təhlükəli narkotik maddənin indi Turkuda cavanlar arasında yayılmasından şübhələnməyə əsas verir", - polisin nümayəndəsi Yari Riali bildirib.

Bundan başqa, daha beş ölüm hadisəsi Helsinki şəhərində qeydə alınıb. Ölüm hadisələrinin hansı narkotik maddə ilə əlaqədar olması hələ müəyyənləşdirilməyib.