Endi Bernem Britaniyanın Baş naziri postuna namizədliyi barədə mövqeyini açıqlayıb

Böyük Mançesterin keçmiş meri Endi Bernem Böyük Britaniyada hakim olan Leyborist Partiyasının lideri vəzifəsi uğrunda mübarizəyə qoşulmaq niyyətindədir, bu da seçkilərdə partiyanın qələbəsi halında onu avtomatik olaraq ölkənin Baş naziri edəcək.

"Report"un məlumatına görə, Bernem bunu "X" sosial şəbəkəsindəki səhifəsində yazıb.

"Mən namizədliyimi irəli sürəcəyəm. İrəliyə doğru hərəkət edərkən prioritetimiz ölkəni hər birimizin görmək istədiyi yerə qaytarmaq üçün birgə işləmək olmalıdır. İnsanlar iqtisadi artım, yaşayış xərcləri, dövlət xidmətləri, mənzil təminatı və digər sahələrdə irəliləyiş görmək istəyirlər", - o yazıb.

Xatırladaq ki, bu gün Birləşmiş Krallığın fəaliyyətdə olan Baş naziri Kir Starmer istefasını elan edib.