Ekvadorda PUA-lar həbsxanaya hücum edib

Ekvadorun qərbində yerləşən Quayas əyalətindəki həbsxana pilotsuz uçuş aparatların (PUA) hücumuna məruz qalıb.

Bu barədə “Report” RİA “Novosti”yə istinadən xəbər verir.

Qeyd olunub ki, üç partlayış baş verib, nəticədə həbsxananın tavanı zədələnib. Bildirilib ki, hücum dəstə liderlərinə qarşı yönəlmiş ola bilər.

Azadlıqdan məhrum edilmiş şəxslər və yetkinlik yaşına çatmayan cinayətkarlarla iş xidməti hələlik itki və tələfat barədə məlumat verməyib.