Əfqanıstanda terror aktları törədilib, ölənlər var

Əfqanıstanda partlayışlar törədilib.

Bu barədə “Report” “Anadolu” agentliyinə istinadən xəbər verir.

Qeyd edilir ki, hadisə ölkənin mərkəzi hissəsindəki Maydan Vardak əyalətində olub. Ayrı-ayrı ərazilərdə törədilən iki partlayış nəticəsində 5 nəfər ölüb. Həlak olanlar dinc sakinlərdir.

Məlumata görə, terrorçular mülki şəxslərin olduğu avtomobilin hərəkət etdiyi yolun kənarına partladıcı qurğu qoyublar.

Hadisəyə görə məsuliyyəti hələ heç bir qruplaşma üzərinə götürməyib.