Əfqanıstanda 5,7 maqnitudalı zəlzələ olub

Əfqanıstan ərazisində 5,7 maqnitudalı zəlzələ qeydə alınıb.

"Report" xəbər verir ki, bu barədə xarici KİV məlumat yayıb.

Yeraltı təkanlar yerli vaxtla saat 16:12-də baş verib. Zəlzələnin ocağı 67 km dərinlikdə, episentri isə Bədəxşan vilayətində yerləşib.

Özbəkistan KİV-nin məlumatına görə, yeraltı təkanlar Özbəkistan ərazisində də hiss olunub. Surxandərya vilayətində zəlzələnin gücü 2 bala qədər olub. Episentrdən regiona qədər olan məsafə təxminən 343 km təşkil edib.

Özbəkistan ərazisində xəsarət alanlar və dağıntılar barədə məlumat daxil olmayıb.