Cozef Bayden Finlandiyaya səfər edəcək

ABŞ Prezidenti Cozef Bayden iyulun 12-də Finlandiyanın paytaxtı Helsinkiyə səfər edəcək.

“Report” xəbər verir ki, bu barədə Finlandiya Prezidentinin Ofisindən bildirilib.

Birləşmiş Ştatlar lideri orada bir gecə qalacaq. İyulun 13-də Helsinkidə C.Baydenin iştirakı ilə Şimali Avropa ölkələrinin sammiti keçiriləcək.

ABŞ Prezidentinin hansı hoteldə qalacağı bəlli deyil.

Qeyd edək ki, ABŞ-ın keçmiş prezidenti Donald Tramp 2018-ci ildə Finlandiyaya səfər edərkən “Hilton” mehmanxanasının yanında yerləşən Kalastayatorppa dövlət iqamətgahında qalıb.