Çində ayaqqabı fabrikində baş vermiş yanğın nəticəsində 28 nəfər ölüb

Çinin şərqindəki Futszyan əyalətində ayaqqabı fabrikində yanğın baş verib, nəticədə 28 nəfər ölüb.

"Report" xəbər verir ki, bu barədə "Xinhua" agentliyi məlumat yayıb.

Bildirilib ki, Çin sədri Si Cinpin axtarış-xilasetmə əməliyyatlarını gücləndirməyi, hadisənin səbəbini müəyyənləşdirməyi və günahkarları məsuliyyətə cəlb etməyi tapşırıb.

CCTV telekanalının məlumatına görə, Si Cinpinin tapşırığı ilə Fövqəladə Hallar Nazirliyi yardım göstərmək məqsədilə hadisə yerinə işçi qrupu göndərib.