Çin raketi eksperimental rabitə peykini orbitə çıxarıb

Çin “Çançjen-7A” (Long March 7A) daşıyıcı raketi eksperimental rabitə peykini orbitə çıxarıb.

“Report” xəbər verir ki, bu barədə Çin İnformasiya İnternet Mərkəzi məlumat yayıb.

İkipilləli raketin buraxılışı Çinin cənubunda Haynan adasındakı Vençan kosmodromundan bazar günü Pekin vaxtı ilə 00:05-də (Bakı vaxtı ilə şənbə günü 20:05-də) həyata keçirilib.

Çin Aerokosmik Elm və Texnologiya Korporasiyasının (CASC) peykinə təyin olunmuş orbitə uğurla çıxıb. O, çoxdiapazonlu yüksəksürətli peyk rabitə texnologiyalarının sınaqdan keçirilməsi üçün nəzərdə tutulub.