ABŞ vitse-prezidenti qətlə yetirilən siyasi fəal haqqında paylaşım edib

ABŞ-nin vitse-prezidenti Cey Di Vens sui-qəsdə uğrayan amerikalı siyasi fəal Çarli Kirk haqqında paylaşım edib.

"Report" xəbər verir ki, o, bu barədə "X" sosial şəbəkəsindəki hesabında qeyd edib ki, Kirk onun siyasi karyerasının başlanğıcında əsas rol oynayıb.

"Trampla tanışlığıma kömək edib, həmçinin 2024-cü ildə ABŞ-nin prezident seçkilərində respublikaçıların qələbəsində böyük rol oynayıb", - o bildirib.

Xatırladaq ki, amerikalı siyasi fəal və ABŞ Prezidenti Donald Trampın tərəfdarı Çarli Kirk sentyabrın 10-da Yuta Universitetində çıxışı zamanı sui-qəsdə uğrayıb. O, kritik vəziyyətdə xəstəxanaya çatdırılıb, lakin orada ölüb.