Çexiyada irimiqyaslı meşə yanğını olub, xəsarət alanlar var

Çexiyanın cənub diyarı Pisek şəhəri yaxınlığında baş verən yanğın təxminən 40 hektar meşə sahəsini əhatə edib.

Bu barədə “Report” “Radio Prague International”a istinadən xəbər verir.

Yanğınla mübarizə zamanı 5 xilasedici xəsarət alıb, lakin onların xəstəxanaya yerləşdirilməsinə ehtiyac olmayıb.

Yanğının söndürülməsinə 3 helikopter cəlb olunub. Yanğının səbəbi və dəymiş ziyanın həcmi hələ məlum deyil.

Həmçinin yanğınsöndürənlər Karlovı Varı vilayətinin Sokolov şəhəri yaxınlığındakı meşədə baş vermiş yanğınları söndürürlər.