CENTCOM İran limanına gedən boş tankeri vurub

ABŞ Silahlı Qüvvələri Fars körfəzinin akvatoriyasında İranın Xark adasına doğru hərəkət edən, Kurasao bayrağı altında üzən "Belma" neft tankerinə zərbə endirib.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

"ABŞ qüvvələri İrana qarşı dəniz blokadasının həyata keçirilməsini təmin edib və iyulun 15-də Fars körfəzindəki İran limanına keçməyə cəhd edən boş neft tankerini sıradan çıxarıb", – deyə bəyanatda bildirilib.

CENTCOM əlavə edib ki, gəmi dəfələrlə edilən xəbərdarlıqlara cavab verməyib.

Bundan sonra ABŞ Hərbi Hava Qüvvələrinə məxsus təyyarə gəminin tüstü borusunu Hellfire raketləri ilə vuraraq onun hərəkət imkanını məhdudlaşdırıb.