Çadda koronavirusa ilk yoluxma qeydə alındı

Afrikanın daha bir ölkəsində - Çadda da koronavirusa ilk yoluxma halı qeydə alınıb. 

"Report" "Reuters"ə istinadən xəbər verir ki, bu barədə ölkənin Prezident Administrasiyası məlumat yayıb. 

Bildirilib ki, koronavirus daşıyıcısı Mərakeş vətəndaşıdır və bu yaxınlarda Kamerundan Çada gəlib.  

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 177 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 228 693-ə çatıb. 9 377 nəfər isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.