Britaniyada bir gündə 17 mindən çox yoluxma qeydə alındı

Son sutka ərzində Böyük Britaniyada 17 272 nəfərin koronavirus infeksiyasına yoluxması təsdiq edilib, 231 nəfərin müalicəsi müsbət nəticə verməyib.

“Report” xəbər verir ki, bu barədə ölkənin Səhiyyə Nazirliyi məlumat yayıb.

Bundan əvvəl, 15 539 nəfərdə infeksiya aşkarlanıb, 397 pasiyent isə dünyasını dəyişib.

Qeyd olunub ki, ümumilikdə ölkə üzrə 1 723 243 nəfərin koronavirusa yoluxması faktı müəyyən edilib. Onlardan 61 245 nəfər vəfat edib.