Britaniya xüsusi təyinatlıları Suriyada hərbi cinayətlərə görə mühakimə oluna bilər

Böyük Britaniya xüsusi təyinatlılarının doqquz əməkdaşı Suriyada hərbi cinayətlərə görə mühakimə oluna bilər.

“Report” xəbər verir ki, bu barədə “The Times” qəzeti Britaniyanın Müdafiə Nazirliyinə istinadən məlumat yayıb.

Qeyd olunur ki, hazırda ölkə hərbi prokurorluğu iddia edilən cinayətləri araşdırır. Söhbət yarımçıq qalmış iki işdən gedir.

Xatırladaq ki, daha əvvəl “The Daily Mail” nəşri öz mənbələrinə istinadən Britaniyanın Xüsusi Hava Desant Xidmətinin beş əməkdaşının Suriyadakı cinayətlərə görə hərbi məhkəməyə çıxa biləcəyini iddia etmişdi. Nəşrin məlumatına görə, iki ildən artıqdır ki, xüsusi təyinatlılar terrorçuluqda şübhəli bilinən, həbsi zamanı silahı olmayan şəxsi öldürüblər.