Britaniya Ukraynaya sualtı pilotsuz aparatlar göndərəcək

Böyük Britaniya Qara dənizin sahil sularını təmizləmək üçün Ukraynaya altı sualtı pilotsuz aparat təhvil verəcək.

"Report" xarici KİV-ə istinadən xəbər verir ki, bu barədə Britaniya Müdafiə Nazirliyi məlumat yayıb.

Müdafiə Nazirliyi qeyd edir ki, bu qurğular 100 m-ə qədər dərinlikdə işləmək qabiliyyətinə malikdir və minaların məhv edilməsi üçün növlərini aşkar etmək üçün nəzərdə tutulub.

Bu həftənin əvvəlində Böyük Britaniyanın Ukraynaya 54 milyon funt sterlinq dəyərində hərbi yardım ayıracağı bildirilirdi.