Britaniya Rusiyanın “kölgə donanması”na sanksiyalar tətbiq edəcək

Böyük Britaniya hökuməti Rusiya neftinin satışına qoyulan məhdudiyyətlərdən yayınmaq üçün istifadə olunan bu ölkənin “kölgə donanması”nın 100 neft tankerinə qarşı sanksiyalar tətbiq etməyi planlaşdırır.

“Report” xəbər verir ki, bu barədə “Reuters” agentliyi məlumat yayıb.

Məlumata görə, Böyük Britaniyanın Baş naziri Kir Starmer mayın 9-da Osloda keçiriləcək Avropa müdafiə sammitində yeni tədbirləri açıqlayacaq.

Əlavə məlumat verilmir.

“Financial Times” qəzeti qeyd edib ki, Avropa İttifaqı da öz növbəsində 17-ci sanksiyalar paketinə “kölgə donanması” adlanan 149 neft tankerini daxil etməyi planlaşdırır.