Böyük Britaniyanın xarici işlər naziri Kiyevdədir

Böyük Britaniyanın xarici işlər naziri İvett Kuper Kiyevə gedib.

"Report" xəbər verir ki, bu barədə Ukraynanın xarici işlər naziri Andrey Sibiqa "X" hesabında yazıb.

O vurğulayıb ki, Ukrayna Böyük Britaniyanın dəstəyini yüksək qiymətləndirir.

Bundan başqa, Ukrayna XİN başçısı həmkarı ilə ikitərəfli və beynəlxalq məsələlərin bütün spektrini: sülh səylərini, Rusiyaya transatlantik təzyiqi və Ukrayna ilə Böyük Britaniya arasında müdafiə sahəsində əməkdaşlığın genişləndirilməsini müzakirə etməyi planlaşdırdığını bildirib.

Qeyd edək ki, İvett Kuper ötən həftə Böyük Britaniyanın xarici işlər naziri təyin edilib.