Blinken: İsraillə “HƏMAS” atəşkəs və girovlarla bağlı razılaşmaya yaxındır

İsrail hakimiyyəti və radikal Fələstin “HƏMAS” hərəkatının nümayəndələri atəşkəs və Qəzza zolağında saxlanılan girovların azad edilməsi ilə bağlı razılıq əldə etməyə yaxındırlar.

“Report” xəbər verir ki, bu barədə ABŞ-nin Dövlət katibi Entoni Blinken bildirib.

“Ümid edirəm ki, iqtidardan ayrılana qədər buna nail olacağıq. Ancaq bunu edə bilməsək, prezident Baydenin təklif etdiyi atəşkəs və girov müqaviləsi yeni administrasiyaya təhvil veriləcək. Mən əminəm ki, biz razılığa gələndə bu, prezident Baydenin may ayında dünyaya təqdim edilmiş planına əsaslanacaq”, - deyə o, söyləyib.