Berlində atışma baş verib, yaralılar var

Berlinin Kreuzberq dairəsində səhər saatlarında baş verən atışmadan sonra 4 nəfər odlu silahdan aldıqları xəsarətlə xəstəxanaya yerləşdirilib.

“Report” “DW”yə istinadən xəbər verir ki, polisin verdiyi məlumata görə, həmin yerdə bir neçə nəfər arasında qarşıdurma baş verib və həmin şəxslər daha sonra oradan uzaqlaşıblar.

Bəzi mənbələrə əsasən, hadisə mərkəz solçu Sosial Demokrat Partiyasının qərargahına yaxın yerdə baş versə də, hələlik bunun arxasında siyasi amillərin durduğuna dair heç bir dəlilin olmadığı bildirilir.

Hadisə yerinə polis cəlb edilib, ərazi üzərində helikopter dövrə vurub.

Araşdırma aparılır.