Belçika Aİ-nin Qırmızı dənizdəki əməliyyatında iştirak edəcək

Belçika Qırmızı dənizdə nəqliyyat təhlükəsizliyini təmin etmək üçün Avropa İttifaqının (Aİ) dəniz əməliyyatında iştirak edəcək.

“Report” xəbər verir ki, bu barədə Belçikanın “Soir” nəşri Nazirlər Kabinetinin qərarına istinadən məlumat yayıb.

“Bu missiya müdafiə xarakterli olacaq”, - məlumatda qeyd edilib.

Belçikanın missiyada iştirakının parametrləri daha sonra açıqlanacaq.

Daha əvvəl Aİ-nin xarici siyasət və təhlükəsizlik məsələləri üzrə ali nümayəndəsi Jozep Borrell bildirmişdi ki, Qırmızı dəniz vasitəsilə çatdırılan yüklərin əhəmiyyətli hissəsi xüsusi olaraq Avropa üçün nəzərdə tutulub və bu marşrutun uzun müddət blokadada olması əlavə nəqliyyat xərclərinə səbəb olacaq.