Bayden Polşa Prezidentinə zəng edib

ABŞ Prezidenti Cozef Bayden Polşa lideri Andjey Dudaya şəxsən zəng edib.

Bu barədə “Report” xarici mətbuata istinadən xəbər verir.

Məlumata görə, Bayden Rusiya tərəfi ilə məhbus mübadiləsinin təşkilində göstərdiyi köməyə görə polşalı həmkarına təşəkkür edib.

Polşa Prezidentinin Dəftərxanası Baydenin Rusiyada həbsdə olan Amerika vətəndaşlarının azad edilməsinə kömək etdiyinə görə Polşa hakimiyyətinə təşəkkür etmək üçün Dudaya zəng etdiyini vurğulayıb. Telefon danışığı çərçivəsində hər iki ölkənin prezidentləri müttəfiqlik əlaqələrinin gücünü və Polşa ilə ABŞ arasında strateji tərəfdaşlığı ifadə ediblər.