Baş nazir: “Hindistan 25 ildən sonra inkişaf etmiş ölkəyə çevriləcək”

Hindistanın Baş naziri Narendra Modi yaxın 25 ildə ölkəni inkişaf etmiş dövlətə çevirəcəyinə söz verib.

“Report” “İnterfaks”a istinadən xəbər verir ki, o, bu barədə Hindistanın müstəqilliyinin 75-ci ildönümü münasibətilə çıxışında bildirib.

“Mən gəncləri növbəti 25 ildə həyatlarını ölkənin inkişafına həsr etməyə çağırıram. Biz bütün bəşəriyyətin inkişafı üçün birlikdə çalışmalıyıq və bu, Hindistanın gücüdür”, - o vurğulayıb.