Banqkokda yanğın qurbanlarının sayı 37-yə çatıb

Banqkokun Latphrau rayonundakı "Rong Beer Na Lat Phrao" pabında baş verən güclü yanğın nəticəsində həlak olanların sayı 37-yə çatıb.

"Report" xəbər verir ki, bu barədə "Thai PBS" telekanalı paytaxtın "Eravan" təcili yardım mərkəzinə istinadən məlumat yayıb.

Bu insident nəticəsində xəstəxanalarda ölənlərin ümumi sayı 10-a çatıb. Hazırda 15 yaralının müalicəsi davam etdirilir, onlardan 10-u reanimasiya şöbəsindədir.

Pabda yanğın iyulun 12-dən 13-nə keçən gecə qısaqapanma səbəbindən baş verib.