Avropa Komissiyası Rusiyaya qarşı 19-cu sanksiyalar paketini bu həftə qəbul edə bilər

Avropa Komissiyası (AK) oktyabrın 23-24-də keçiriləcək sammitdə Rusiyaya qarşı 19-cu sanksiyalar paketini qəbul etməyi planlaşdırır.

"Report"un xarici KİV-ə istinadən verdiyi məlumata görə, bu barədə Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas Lüksemburqda Aİ ölkələrinin XİN başçılarının görüşünə gedərkən bildirib.

"Təəssüf ki, bu, bu gün baş verməyəcək. Ancaq oktyabrın 23-də dövlət başçılarının görüşü də olacaq", - o qeyd edib.

K.Kallasın sözlərinə görə, nazirlər Rusiya neftini daşıyan "kölgə donanması" ilə Aİ-nin mübarizə planlarını ayrıca müzakirə edəcəklər.