​Almaniyanın kansleri: "Əsəd Suriya ilə bağlı danışıqlarda iştirak etməlidir"

Bakı. 24 sentyabr. REPORT.AZ/ "Bəşşar Əsəd də Suriyadakı münaqişənin tənzimlənməsi danışıqlarına cəlb edilməlidir".

"Report" BBC-yə istinadən xəbərə verir ki, bunu Almaniyanın kansleri Angela Merkel Avropa İttifaqının ötən gün keçirilən sammitində bildirib.

Onun sözlərinə görə, danışıqlar prosesinə ABŞ, Rusiya, bölgənin aparıcı dövlətləri, o cümlədən İran və Səudiyyə Ərəbistanı da qatılmalıdır.

Xatırladaq ki, bir müddət öncə Qərb dövlətləri Bəşşar Əsədin danışıqlar prosesində iştirakına razılıq vermirdi.