"Əl-Ərəbiyyə": ABŞ və İran arasında yeni razılaşma layihəsi 10 bənddən ibarətdir

İran və ABŞ arasındakı yeni razılaşma layihəsi "bütün cəbhələrdə" hərbi əməliyyatların dayandırılmasını nəzərdə tutur və o, 10 bənddən ibarətdir.

"Report" xəbər verir ki, sənədin mətnini "Əl-Ərəbiyyə" telekanalı yayımlayıb.

Saziş layihəsində quru, dəniz və hava daxil olmaqla, bütün cəbhələrdə dərhal, hərtərəfli və qeyd-şərtsiz atəşkəs; hərbi, mülki və ya iqtisadi infrastruktura zərbə endirməmək barədə qarşılıqlı öhdəlik; ölkələrin suverenliyinə, ərazi bütövlüyünə hörmət etmək və daxili işlərinə qarışmamaq; Fars körfəzində, Hörmüz boğazında və Oman körfəzində gəmiçilik azadlığı və s. bəndlər nəzərdə tutulur.