Afrikada koronavirusa yoluxanların sayı artır

Afrika ölkələrində yeni koronavirusa yoluxanların sayı 90 943 nəfərə, ölənlərin də sayı 2 885 nəfərə çatıb. Həmçinin 35 min nəfərdən artıq sağalan var.

“Report” xəbər verir ki, bu barədə Dünya Səhiyyə Təşkilatının Afrika nümayəndəliyindən bildiriblər.

Ən çox yoluxan Cənubi Afrika Respublikasında (17 200), Misirdə (12.764), Əlcəzairdə (7 377), Mərakeşdə (6 972), Nigeriyada (6401), Qanada (6096), ən çox ölüm hadisəsi isə Misirdə (645), Əlcəzairdə (561), CAR-da (312) qeydə alınıb.

Xatırladaq ki, BMT Baş katibi Antonio Quterreş dünya birliyini Afrika ölkələrinə koronavirus pandemiyasına qarşı tədbirlərdə kömək etməyə çağırıb.