AEBA Zaporojye AES-dəki durumla bağlı xəbərdarlıq edib

“Ukraynadakı Zaporojye Atom Elektrik Stansiyası ətrafında mühafizə zonasının yaradılması vacibdir”.

“Report” xarici KİV-ə istinadən xəbər verir ki, bunu Atom Enerjisi üzrə Beynəlxalq Agentliyinin (AEBA) baş direktoru Rafael Qrossi deyib.

O bildirib ki, Zaporojye AES-də durum getdikcə pisləşir: “Ona görə də ərazidə təcili mühafizə sonasının yaradılması vacibdir”.

R.Qrossinin sözlərinə görə, nüvə obyektinin mühafizəsi üçün tədbirlər görülməlidir: “Bu, hər zamankından daha vacib və aktualdır. Stansiyada mühafizə zonasının yaradılması ilk növbədə siyasi iradə tələb edir”.