ABŞ və Çinin dövlət başçıları G20 sammiti çərçivəsində görüşə bilər

Çin Xalq Respublikasının sədri Si Cinpin ABŞ prezidenti Donald Trampla telefon söhbəti zamanı iyunun 28-29-da Yaponiyanın Osaka şəhərində keçiriləcək G20 sammiti çərçivəsində görüşməyə hazır olduğunu bildirib.

“Report” Çin dövlət televiziyasına istinadən xəbər verir ki, Si Cinpin görüşdə iki ölkə arasında münasibətlərin təməl prinsiplərinə dair fikir mübadiləsi aparmaq arzusunda olduğunu deyib.

Qeyd edək ki, telefon danışığı D.Trampın təşəbbüsü ilə baş tutub.