ABŞ Ukraynaya əlavə hərbi yardım ayıra bilər

ABŞ administrasiyası bu həftə Ukraynaya 225 milyon dollar məbləğində yeni hərbi yardım paketinin ayrılmasını elan edə bilər.

“Report” xəbər verir ki, bu barədə “Reuters” mənbələrə istinadən məlumat yayıb.

Bu, iyunun 6-da Amerika lideri Cozef Baydenin Ukrayna Prezidenti Volodimir Zelenski ilə görüşməyi planlaşdırdığı Normandiyada müttəfiqlərin gəlişinin 80-ci il dönümü münasibəti ilə bağlı keçiriləcək tədbirdə və ya iyunun 7-də açıqlana bilər.

Paketə hansı silahların daxil ola biləcəyi hələ dəqiqləşdirilməyib.

Rusiya Prezidenti Vladimir Putin isə vurğulayıb ki, Ukraynaya yeni silahların verilməsi cəbhədəki vəziyyəti dəyişməyəcək, ancaq münaqişənin uzanmasına gətirib çıxaracaq.