ABŞ Prezidenti İranı hər hücuma cavab olaraq 20 zərbə ilə hədələyib

ABŞ Prezidenti Donald Tramp bildirib ki, Vaşinqton Tehrandan gələn hər hücuma cavab olaraq İrana 20 dəfə zərbə endirməyə hazırdır.

"Report"un məlumatına görə, o, bunu Türkiyədə keçirilən NATO sammitindən sonra jurnalistlərə təyyarəsində deyib.

"Biz indicə onlara güclü zərbə endirdik. Bu, dünən gecə etdiklərinin qisası idi. Onlar üç gəmiyə hücum etdilər. Əgər bizi vursalar, biz də onlara 20 dəfə zərbə endirəcəyik", - Tramp bildirib.

Daha əvvəl ABŞ Silahlı Qüvvələrinin Mərkəzi Komandanlığı (CENTCOM) Amerika hərbçilərinin İslam Respublikasının Hörmüz boğazına nəzarət etmək imkanlarını zəiflətmək məqsədilə İrana zərbələri bərpa etdiyini bildirib.

İyulun 8-də Tramp həmçinin İranla atəşkəsin artıq qüvvədə olmadığını açıqlayıb.