ABŞ ordusu İranla əlaqəli doqquz gəmini sıradan çıxarıb

Dəniz blokadasının başlanğıcından bəri ABŞ Hərbi Dəniz Qüvvələri İranla əlaqəli 141 ticarət gəmisini ələ keçirib.

"Report" xəbər verir ki, bu barədə ABŞ Mərkəzi Komandanlığının (CENTCOM) Yaxın Şərq İdarəsi bildirib.

"13 iyun tarixinə olan məlumata görə, CENTCOM qüvvələri uyğunluğu təmin etmək üçün 141 ticarət gəmisinin marşrutunu dəyişdirib və doqquz gəmini sıradan çıxarıb", - deyə məlumatda qeyd olunub.

Komandanlıq vurğulayıb ki, blokada İran limanlarına və sahil ərazilərinə, o cümlədən Fars və Oman körfəzindəki bütün İran limanlarına daxil olan və ya çıxan bütün ölkələrin gəmilərinə qarşı tətbiq olunmağa davam edir. Digər gəmilərə gəldikdə isə, beynəlxalq ticarət dəhlizi tranzit üçün açıq qalır.