ABŞ oktyabrın 20-də Kolumbiyaya qarşı rüsumların artırılacağını elan edəcək

ABŞ oktyabrın 20-də Kolumbiya məhsullarına gömrük rüsumlarının artırılacağını elan etmək niyyətindədir.

"Report"un məlumatına görə, bu barədə ABŞ lideri Donald Tramp jurnalistlərə bildirib.

Tramp belə planlarının olub-olmadığı barədə suala cavab verib.

"Sabah (20 oktyabr - red.) sizə məlumat verəcəyəm", - yeni tarif dərəcəsinin nə olacağından danışarkən o əlavə edib.

Daha əvvəl Tramp Kolumbiya Prezidenti Qustavo Petronu narkotik istehsalını təşviqdə ittiham edib, həmçinin bu ölkəyə maliyyə dəstəyini dayandıracaqlarını bildirib. Tramp vurğulayıb ki, əgər Kolumbiya hakimiyyəti narkotik istehsalına qarşı mübarizəni gücləndirməsə, ABŞ bu ölkəyə qarşı güc tədbirləri həyata keçirə bilər.