ABŞ sakinlərinin çoxu Əfqanıstan və İraqdakı müharibələri səhv hesab edir

ABŞ-lıların 35%-i Əfqanıstanda, 34%-i isə İraqda müharibənin səhv olmadığını düşünür.

“Report” “RİA Novosti”yə istinadən xəbər verir ki, bunu “Associated Press-NORC Center”in keçirdiyi sorğunun nəticələri göstərir.

“Müvafiq olaraq, rəyi soruşulanların 62% və 63%-i bu müharibələri səhv adlandırıb”, - saytın dərc etdiyi press-relizdə deyilir.

Məlumata görə, ABŞ əhalisi ekstremist qruplaşmaların yaratdığı təhlükədən son dərəcə narahatdır. Bununla belə, respondentlərin 65%-i ABŞ daxilində fəaliyyət göstərən qruplaşmalardan, 50%-i isə ölkə xaricindəki ekstremistlərdən narahatdırlar.

Qeyd edək ki, sorğuda 1729 ABŞ vətəndaşı iştirak edib.