ABŞ Latviyaya M142 HIMARS sistemlərini satış planlarını açıqlayıb

Birləşmiş Ştatlar Latviyaya M142 HIMARS reaktiv yaylım atəşi sistemləri (MLRS) və müvafiq avadanlıqların satışı üçün 220 milyon dollarlıq müqaviləni elan edib.

“Report” TASS-a istinadən xəbər verir ki, bu barədə Dövlət Departamenti və Pentaqona daxil olan müvafiq hökumət qurumu məlumat yayıb.

Qurum hökumətlərarası müqavilələr əsasında xaricə hərbi texnika və silahların tədarükünə, ABŞ Silahlı Qüvvələri ilə digər ölkələr arasında əlaqələrin inkişafına, müdafiə sahəsində Vaşinqtonun xarici tərəfdaşlarına maliyyə və texniki yardımın göstərilməsinə cavabdehdir.

Bundan əlavə, ABŞ səlahiyyətliləri Yaponiyaya 74,6 milyon dollara “RAM Block 2B” və müvafiq avadanlıqlara malik 63 taktiki raket satmağı planlaşdırdıqlarını açıqlayıblar.