ABŞ İsrail və “Hizbullah” arasında genişmiqyaslı döyüşlərin olacağına inanmır

Amerika Birləşmiş Ştatları Livan sərhədində vəziyyətin kəskin pisləşməsinə baxmayaraq, hələ də İsrail və “Hizbullah” arasında genişmiqyaslı döyüşlərin qaçılmaz olduğuna inanmır.

“Report” xəbər verir ki, bu barədə Ağ Evin sözçüsü Karine Jan-Pyer bildirib.

“Genişmiqyaslı müharibənin qaçılmaz olduğuna inanmırıq. Və inanırıq ki, bundan hələ də qaçmaq olar”, - ABŞ prezidentinin sözçüsü bildirib.

Qeyd edək ki, iyulun 27-də Holan yüksəkliklərində Məcdəl Şəms qəsəbəsinə raket hücumu nəticəsində 12 uşaq ölüb. İsrailin Baş naziri Binyamin Netanyahu ölkəsinin bu ağır hücumu cavabsız qoymayacağını vurğulayıb.