İraqdakı bazaya hücum zamanı ABŞ hərbçiləri arasında xəsarət alan olmayıb

ABŞ-ın İraqdakı bazasının hücuma məruz qalması nəticəsində Birləşmiş Ştatların hərbçiləri arasında xəsarət alan olmayıb.

“Report” xəbər verir ki, bu barədə CNN mənbəyə istinadən məlumat yayıb. 

İran İslam İnqilabı Keşikçiləri Korpusu isə öz növbəsində bildirib ki, öz ərazisini İrana qarşı hücum üçün platsdarm kimi təqdim edəcək hər bir dövlət cavab zərbəsinin hədəfi olacaq.   

Qeyd edək ki, İran İslam İnqilabı Keşikçiləri Korpusunun (“Sepah”) “Qüds” qanadının komandiri general Qasım Süleymani bir neçə gün əvvəl ABŞ-ın Bağdadda endirdiyi zərbə nəticəsində həlak olub. Rəsmi Tehran buna cavab veriləcəyini bildirib. Ağ Ev rəhbəri Donald Tramp isə İranı bu ölkənin 52 obyektinə zərbə endirəcəyi ilə hədələyib.