ABŞ Dövlət Departamenti­: “Dünyada islamofobiyanın artdığını müşahidə edirik”

“Oktyabrın 7-dən HƏMAS-ın İsrailə hücumu nəticəsində başlayan müharibədən sonra bütün dünyada islamofobiyanın artdığını müşahidə edirik”.

“Report”un ABŞ bürosu xəbər verir ki, bunu ABŞ Dövlət Departamentinin sözçüsü Metyu Miller gündəlik mətbuat konfransında deyib.

Sözçü əlavə edib ki, ABŞ Dövlət Departamenti islamofobiyanın qarşısının alınması üçün çağırışlar edir:

“Biz bu problemin həlli üçün əlimizdən gələni etməyə davam edəcəyik. Təbii ki, bunun xoşagəlməz olduğuna etiraz etmək olmaz. Biz siyasətimizi mümkün olan hər yerdə bu məsələnin həllinə üçün uyğunlaşdırırıq”.