ABŞ-də oyun meydançasında atışma olub, ölənlər var

ABŞ-nin Nyu-York şəhərində, Bruklundə oyun meydançasında baş verən atışmada iki nəfər ölüb.

"Report" xəbər verir ki, bu barədə "New York Post" polisə istinadən məlumat yayıb.

Atışma Braunsvilldə "Howard Playground" meydançasında baş verib. Yaxınlıqdakı polis əməkdaşları silah səsləri eşidib və bir neçə nəfərin hadisə yerindən qaçdığını müşahidə ediblər.

Hadisə yerinə gələn polis əməkdaşları güllə yaraları alan iki kişini aşkarlayıblat. Yaralılar xəstəxanaya aparılıb, lakin həkimlər onların həyatını xilas edə bilməyiblər.

Hüquq-mühafizə orqanları müşahidə kameralarının görüntülərini araşdırır və hadisənin səbəblərini müəyyənləşdirir.