ABŞ BMT Təhlükəsizlik Şurasının Qəzzada atəşkəs yaratmaq cəhdlərinə mane olur

Amerika Birləşmiş Ştatları BMT Təhlükəsizlik Şurası üzvlərinin Qəzza zolağında atəşkəsin yaradılması ilə bağlı qərar qəbul etmək cəhdlərinin qarşısını almağa davam edir.

“Report” xəbər verir ki, bunu Təhlükəsizlik Şurasının iclasında Rusiyanın dünya təşkilatındakı daimi nümayəndəsi Vasili Nebenzya deyib.

Onun sözlərinə görə, ABŞ Yaxın Şərq regionunda eskalasiyanı təşviq edir:

“Oktyabrın 3-də Rusiya Beyruta humanitar yardım göndərib. Görürük ki, bir çox həmkarlarımız da bunu edir. Bununla belə, İsrail və ABŞ-ın Yaxın Şərqdəki ən dağıdıcı eskalasiyanın alovu üzərinə benzin tökdüyü, beynəlxalq hüquq və nizamnamələri kobud şəkildə pozduğu şəraitdə humanitar səylər açıq şəkildə kifayət deyil”.