Növbəti köç karvanı Xocavənd şəhərinə çatıb, açarlar təqdim edilib - YENİLƏNİB-2

Xocavəndə yola salınan növbəti köç karvanı rayon mərkəzinə çatıb, sakinlərə açarlar təqdim edilib.

"Report"un Xocavəndə ezam edilmiş əməkdaşı xəbər verir ki, bu mərhələdə şəhərə 33 ailə (142 nəfər) köçürülüb.

Onlar həm çox mənzilli binalara, həm də yenidən bərpa edilən evlərinə yerləşiblər.

Açarların təqdim edilməsindən sonra ANAMA əməkdaşları sakinlərə mina təhlükəsizliyi qaydaları haqqında məlumat veriblər.

12:55

Xocavəndə yola salınan növbəti köç karvanı rayon mərkəzinə çatıb.

"Report"un Xocavəndə ezam edilmiş əməkdaşı xəbər verir ki, ailələri Xocavənd şəhərində Prezidentin Ağdam, Füzuli və Xocavənd rayonlarında xüsusi nümayəndəliyi, Qaçqınların və Məcburi Köçkünlərin İşləri üzrə Dövlət Komitəsi və Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin əməkdaşları qarşılayıblar.

Qeyd edək ki, bu mərhələdə şəhərə 33 ailənin (142 nəfər) qayıdışı təmin edilib.

11:27

Böyük Qayıdış prosesi çərçivəsində Xocavənd şəhərinə növbəti köç karvanı yola salınıb.

"Report"un Füzuliyə ezam olunan əməkdaşı xəbər verir ki, bu mərhələdə Xocavənd şəhərinə 33 ailə (142 nəfər) köçürülür.

Qeyd edək ki, bu köç də daxil olmaqla Xocavəndə ümumilikdə 234 ailənin (904 nəfər) daimi qayıdışı təmin edilib.