Ombudsman: "Ukraynadakı azərbaycanlıların təxliyəsi ilə bağlı narahatlıq yoxdur"

"Dövlət tərəfindən Ukraynada sərhədi keçən vətəndaşlarımızın Azərbaycana təxliyə olunması və burada yerləşdirilməsi proqramı mövcuddur".

Bunu "Report"a açıqlamasında Ombudsman Səbinə Əliyeva deyib.

Onun sözlərinə görə, müvafiq qurumlar bu istiqamətdə lazımi işləri aparırlar: "Heç bir narahatlıq yoxdur. Artıq dünən də Rumıniyadan bir qrup Azərbaycan vətəndaşı ölkəmizə gətirilib. Hazırda bu proses davam edir".